Yew Gedeyêko Ecêb - Ben Underwood

 Ben Underwood gedeyêko normal bi. Kaykerdişê basketbol, ramitişê bîsîklete, bi embazanê xo goştarîkerdişê muzîk û kaykerdişê kayan ra hes kerdinî. La yew pol ra Ben Underwood gedeyê bînan nêmendinî. O kor bi yanê nêvînanê. La yew qabîlîyetê ey estbi. Çime ey çinêbî la şinaynî bivîno. 

Ben, 26ê Sibata 1992’î de maya xo ra bi. Sey gedeyê bînan kêf û sihetê ey baş bi. Normal yew heyatê ey bi, hetê maye û di birayê xo yê pîlan het de California de ciwîyaynî. Gama di serre bi heyatê ey bedilîya. Serra 1994 de maya ey seba ke problemêk çimanê ey de estbi ci berd nêweşxane. Doktoran çimê ey kontrol kerd û maya ey rê xebera nêweşe dabî. Ben, nêweşîya kanserî kewtbi. Çend aşmî dima seba ke kanser ra xilas bo opersyonek amelîyatî vîyarna. Operasyon bi serkewtiş vîyart la Ben Underwood çimanê xo ra bi. Doktorî çimê ey gurotî bi no hewa Ben kor mend.

 No amelîyatî ra dima Benî de qabîlîtêko ecêb peyda bi. Gama hîrê serre bi Ben eşkanaynî bi goşanê xo bînayan bivîno. O bi dîqet goştarî kerdnî, vengê ke bînayan ra gulbank kerdnî goştarî kerdnî bi no hewa fam kerdnî bînayî kamcî ca de yê. Ben gama ke 7 serre bi "tiqtiqî" bonder bi. Bi fekê xo rey tiqtiqî kerdnî vengêko fekê ey ra veciyaynî çîyê ke dormarê ey de bî set bîna, dîwar ûsb ra tadîyaynî goşanê ey o nê gulbangan ra fam kerdnî dormarê ey de çi esto. Sey maseyê delfînî ke binê awe bivîno yan zî şewşewoka ke bi şewe eşkena bivîna.

Doktor û pisporî hemverê nê qebîlîyetê Ben Underwoodî şaş mendê. Dinya de tena çend kesî tena bi no hewa eşkenî bivînê. Merdimî seba no ra hurmet danê ey.  Dinya de ameyo naskerdene bîyo kesêko namdar. O TV de, welatanê cîya bi cîyan de şarî rê behsê heyatê xo kerd. 16 serrî de nara kanser bi û dinya xo bedilna. Heyatê Benî ra dima însanan bawer kerd ke her çî mumkin o. Zafî tenan heyranê ey bî, çimkî o bi heyatê xo îlham daynê însanan û bi ey xo biqewet hîs kerdnê. Serra 2009 de Wextê me merd 2000 însan amey ezaya ey.