Blogê Zazakî

 Ez wazena no nuşteyê xo de behsê bloganê zazakî bikera. Kesê ke blogê mi takîp kenê yan zî rastê blogê mi yenê bi no hewa do bieşkê biresê bloganê zazakî yê bînan.  

• Roşan Lezgîn 

Blogê ma yo yewin yê mamoste Roşan Lezgînî yo. Roşan Lezgîn serra 2022 ra nat blogê xo de nuseno. Blogê ey de cîya bi cîya babetan de nuşteyî est ê. Mamosteyo hêja bi nuşteyanê xo roşnî dano heskerdoxanê no ziwanî.   👉 Blogê Roşan Lezgînî

• Şadê Agon 

Blogê ma yo dîyin bi nameyê ladyzazarus o. Wayîra blogî Şadê Agon a. Na nuştoxa delale blogê xo de bi babetanê enteresan û balkêş yena vernîya ma. A serra 2024 aşma Adare de dest bi nuştişî kerda. Sloganê blogê aye “her kes erdê xo de meqbûl” o.  👉 Blogê Şado Agone

• Welatozerin

Blogê ma yo hîrêyin blogêko anonîm o, yanê ma wayîrê ey nêşinasnê la kesêko zaf erjaye yo. Blogê ey blogê tewr verên yê Zazakî yo. Mabeynê serranê 2008-2021’î de nuşto. Sloganê blogê ey “bê hewn veyşan û teyşan” o. Ma bi nuşteyanê ey fehm kenê ke Licê ra yo. Ez hêvî kena rewş û siheta ey weş a.   👉  Blogê Welatozerinî

• Zazaname

Blogê ma yo çarin bi nameyê Zazaname yo. Serra 2023 ra nat nuseno. Blogê ey de nuşteyî cîya bi cîya est ê. Vateyê kilamanê zazakî ra tepîş heta açarnayîşê kilamê îngîlîzkî zî est ê.  Sloganê blogê ey “her kes bi reng û vengê xo weş o” yo. 👉 Blogê Zazanameyî

• Gozêre

Blogê ma yo pancin blogê Zerweş Xodî yo. Hina aseno nîyetê nuştişê bi ziwanê xo kerdo la dima nîyetê xo bedilnayo. Blogê xo serra 2013 de akerdo. Sloganê blogê ey “binê gozêre ra vengê manayî beno vila” yo. Ez hêvî kena do dest bi nuştişî bikero.   👉  Blogê Zerweş Xodî

• Blogê Dersê Zazakî

No blog zî dersê zazakî yew bi yew bar kerdo. Xebatêka erjaye ya. Ez lînkê no blogî zî ewta de ronena. 👉 Dersê Zazakî