Tembûrvanê Hunermend Beytocanî

     Tayê hunermendî est ê ke bi vengê xo bi kesayetê xo bi heme hal û hewalê xo tesîrê merdimî kenê. Hozan Beytocan înan ra yew o. Ez aşiq û heyranê şexsîyet  û kilamanê ci ya. Çîyêk ke kilamê beytocanî çimê mi de hîna zaf biqîmet keno, weşêr keno, şima zanê çi yo? Tembûrvanê Beytocanî yo. Heta ewro mi nêzanayenî kam o, çi kes o?  Ez vizêr youtube ser o rastê programê Barzan Shaswarî ameya. Meymanê Barzanî hunermendê ma yo nemir Beytocan, Ferîba Kamran û Tembûrvanê Beytocan bî. Na programe serra 11.09.1999 de amade bîya. Arşîvêko zaf biqîmet o. Gama ke mi dî tembûrvanê Beytocanî zî meymanê programe yo, mi lez kerd berrname akerd û temaşe kerd. 

    Nameyê ey Aslan o. Ez nika tena wayîrê nê malûmatî ya. "Çend serre yo, kotî ra yo, kamcî welat de ciwîyêno, zewacyaye yo yan ezeb o, domanê ey est ê yan çin ê?" ez nêzana. La zaf weş tembûr ceneno. Gama ez goş dana tembûrê ci hîsêko giran û xorîn bi mi gêno. Qeydê kasetî de ez nêzana la klîba kilama "her tişt vir e dinya fanî" de reyna o tembûrvanê Beytocanî yo. Kliba ke ez behs kena na ya.

    

Hunermend Aslan na programe de Beytocanî ser o vano; "Mi çend serr verê goştarîya vengê hunermend Beytocanî kerdibî, vengê ey kewtibî zerrîya mi, kewtibî serê mi û mi hêvî kerdinî rojêke ci bivîna. Ez ewro zaf kêfweş a ke Beytocan nika meymanê studyoyê  ma yo."                                                                                                                                                   

Ez zî gorebê xo tembûr dana piro û ez hêvî kena rojêk sey hunermend Aslanî bicina. Kesê ke wazenî programê Beytocanî temaşe bikerê eşkenê no lînkê serr o xo biresnê vîdeoyî. Beytocan 11.09.1999