Ewro 17ê sibate 2024 o. Nêzdîyê hîrê aşmî yo ke ez şona kursê zazakî. No kurs binê dezgehê ÎSMEKî yê Beledîyeya Girde ya Îstanbulî de ameyêne dayene. Mamosteyê kursê ma kesêko zaf erjaye, xeyretkêş û jêhatî yo. Roja ewile ra mi no ferq kerd. Sereyê ey tim pir o. Winî aseno ke tena kursê zazakî ney zaf karanê bînan rey de zî meşgul o. Ez eşkena vaja kar û xebatê ey des ser ra new zazakî ser o yê. Ez behsê ewroyî bikera! Çimkî ewro mi rê rojêka taybete bîye. Kursê Zazakî qedîya û ma îmtîhan bîyî. Mamosteyî 40 persî persay bîy. Mi zaf zehmetî nêant û cewabê pirsan pêrin bi hewayo xo ra bawer da. Belkî qala pîle bo la ez 100 pûanî ser o ra 100 pûanî pawena.
Kursî ra dima ez û Serhed û mamostayê ma têrey de çaye zî şimite. Ma sohbetêko baş kerd dima ma xatir yewbînan ra waşt û ver bi keyeyanê xo şîyî.
Seba kursê zazakî ez hîrê heb wesayîtan bedilnena. Şîyayîşê bi kursî de ez ewil wenişena otobuse dima vîyarena marmarayî bena, Yenîkapi de peya bena na reye vîyarena Metroya M2yî bena Îstasyona şîşlî de peya bena, nêzdîyê panc deqayan rayîr şona û axir peynî de resena cayê kursê xo. Agêrayîşê mi zî eynî bi no hewa yo. Metro, Marmaray û otobuse. Zehmetêko şîrin. Mi bi xêrê nê kursî, zazakîya xo aver berde. Ez nika verê ra weşêr nusena. Mi zaf çewt û kemaney û xeletîyê xo dîy û kêmî-zêde ê rast kerdî.
Hiç yorum yok:
Yorum Gönder